NGUVU YA KWELI (NENO LA MUNGU)

Kweli ni uhakikiso wa jambo Fulani. Lakini kibiblia kweli inajulikana kama “NENO LA MUNGU”. Maana biblia inasema kuwa “Uwatakase kwa ile kweli; neno lako ndiyo kweli.”(Yohana 17:17).
Maisha ya wokovu kwa kila aliyemwamini KRISTO kuwa BWANA na Mwokozi wa maisha yake, hubadilika na kulingana na jinsi huyu mwamini anavyoishi kwa kuliaamini hili neno au anavyoishi kwa kuiamini hii kweli ya neno la MUNGU.  Hatuwezi kupata maendeleo kimwili na kiroho, kama hatutaifahamu kweli ambayo inatakiwa kutuongoza kama dira ya maisha maana Neno la Mungu ni taa ya miguu yetu na mwanga wa njia zetu. (ZABURI 119:105). Tukiifahamu kweli itatupelekea kuishi maisha ya ushindi (victorious life).
ZIKO FAIDA ZA KUIFAHAMU KWELI
1)      Tunapoifahamu kweli inatuweka huru (Yohana8:32), inatuweka mbali na dhambi, mbali na utawala wa mwovu ibilisi maana hapo mwanzo kabla ya kumwamini KRISTO tulikuwa chini ya utawala wa Mungu wa Dunia hii yaani Ibilisi. Lakini kwa kifo cha msalaba cha Yesu Kristo kilituletea ukombozi kutoka katika ufalme wa giza na tukahamishwa kwenda kwenye ufalme wa mwana wa Pendo la Mungu yaani kwenye ufalme wa Nuru (Wakolosai 1:13).
Mara nyingi unakuta mtu ameokoka lakini bado mwasherati, kwa waganga anaenda, anavaa vimini (nguo zisizo za kusitiri), kijana ananyoa viduku(Denge), anasengenya, anashiriki mizaa kama kawaida na kusema uongo pia. Haya yote yanasababishwa na kutokuifahamu KWELI.
2)      Mwamini akiifahamu kweli Hasa kijana wa kiume hataweza kunyoa kiduku(Denge) na kanisani hatutaweza kuwa na vijana wanaonyoa viduku maana kunhyoa Denge ni dhambi (Walawi19:27). Haya yote yanasababishwa na watumishi kutokuifundisha kweli kwa waumini.
3)      Hutakuwa mtu wa kutamani maana utafahamu kuwa tamaa na uasherati ni dhambi mbele za Mungu na watu wa jinsi hii hawataurithi ufalme wa Mungu (Wagalatia 5:19-21).
4)      Hutakuwa mtu wa kuabudu sanamu maana ni dhambi (1Wakorintho 6:9), utajua kuwa kuipenda dunia kuliko Mungu ni dhambi. Biblia inasema katika (1Yohana 2:15 ) “Msiipende dunia, wala mambo yaliyomo katika dunia. Mtu akiipenda dunia, kumpenda Baba hakumo ndani yake.” Hii inaonesha ni kwa jinsi gani tunatakiwa kumpenda Mungu kuliko kitu chochote kwa mioyo yetu yote na kwa akili zetu zote (Mithali 3:5) “Mtumaini BWANA kwa moyo wako wote, wala usizitegemee akili zako mwenyewe”. Tusipomtumaini Mungu wetu na tusipomwabudu kama anavyotaka mwenyewe hapo tutakuwa tunaabudu sanamu, yaani kutakuwa kuna kitu ambacho kinachukua nafasi ya Mungu.
Lakini tukiifahamu kweli hutajichanganya wala hutashindwa kumwabudu Mungu, utamwabudu Mngu kwa viwango vya juu sana maana tuna ushirika naye yaani katika roho na kweli (Yohana 4:23) .
5. Hutaogopa chochote wala hutayaogopa mabaya yajayo juu yako maana Mungu amesema kwa neno lake kuwa “usiogope, kwa  maana mimi ni pamoja nawe; usifadhaike, kwa maana mimi ni Mungu wako; nitakutia nguv,naam, nitakushika kwa mkono wa kuume wa haki yangu” (Isaya 41:10). Lakini kwa sababu ya kuikosa kwelindani ya moyo wako (mioyo yetu), unijukuta unaogopa wachawi, majini, maadui zako n.k.  Neno  la Mungu huwa linatupa uhakika wa mambo yote kwamba tufanye nini na Mungu anasema nini kuhusu kile tukionacho mbele zetu.
Na tunatakiwa kujua kuwa ukiwa umempokea Yesu kuwa Bwana na mwokozi wa maisha yako, ndani yako panafanyika kuwa makazi ya Yule MKUU katika mambo yote yaani YESU KRISTO naye ni mkuu kuliko Yule adui ibilisi aliye katika dunia hii (1Yohana 4:4).

6. Unapoifahamu kweli magonjwa hayatakaa juu yako, wala hutakuwa tena chini ya laana ya magonjwa, wala magonjwa hayatakutesa kwa sababu (Isaya 53:5) “Bali alijeruhiwa kwa makosa yetu; Adhabu ya amani yetu ilikuwa juu yake, Na kwa kupigwa kwake sisi tumepona”.
      
Hakika iko faida kubwa katika kuifahamu kweli ambapo hii kweli inatufanya tuwe na uhakika juu ya huyu Mungu katika kuufahamu zaidi uweza na nguvu zake zinavyotenda kazi katika maisha ya Mwanadamu.
  Naye Mungu anasema ndiye atufundishaye tupate kuona faida.

Mungu akubariki mpendwa na akutie nguvu katika kuitafakari hii kweli ya Mungu.

BY. MWL. GEORGE JOHN
Location: Unnamed Road, Magamba, Tanzania

Comments

Post a Comment

Popular posts from this blog

IFAHAMU NGUVU YA MSALABA

Image
Yafuatayo ni baadhi tu ya Yale ambayo Msalaba wa Yesu umeyashughulikia; 1.UMEIVUNJA NGUVU YA DHAMB I ( 1Yohana 3:8) Yesu alidhihirishwa ili aiharibu NGUVU YA DHAMBI…Alifanya hivyo kwa “KUZIBEBA DHAMBI ZETU MWILINI MWAKE JUU YA MTI[MSALABA], ILI TUKIWA WAFU KWA MAMBO YA DHAMBI TUWE HAI KWA MAMBO YA HAKI…”   (1Petro 2:24) 2.ALILIPA GHARAMA YA DHAMBI KISHERIA   (2Kor 5:21) Yeye asiyeijua dhambi [Yesu] alifanyika dhambi ili sisi tupate kufanyika HAKI YA MUNGU…Badala ya sisi kulipia gharama ya dhambi, “MSHAHARA WA DHAMBI NI MAUTI…” Yeye Yesu kama Mwanakondoo wa Mungu(Yohana 1:28,35) alichinjwa na kulipia adhabu ya dhambi zetu…Ndio maana alipokuwa Kalvari, kwa kule KUBEBA DHAMBI ZETU MWILINI MWAKE (1Petro 2:24), Mungu alimgeuzia mgongo na kumwacha, akapaza sauti na kulia,   “MUNGU WANGU, MUNGU WANGU, MBONA UMENIACHA?” 3.AMETUFANYA WENYE HAKI WA MUNGU   (Rumi 8:34) Ni nani atakayewahukumu Wateule wa Mungu [sisi tulio ndani ya Yesu]? Mungu mwenyewe ndiy...
Read more
UJUMBE WA KINABII KUHUSU KUNYAKULIWA KWA KANISA Kufuatia changamoto za kiimani ambazo jamii ya wanafunzi wa Yesu Kristo tunazipitia; na kutokana na matishio mbali mbali yanayotishia uhusiano wetu wa kiroho na Bwana Yesu; ni dhahiri kwamba umefika wakati wa kuzingatia vipaumbele vya imani ikiwa ni pamoja na kuzingatia ujumbe wa kinabii kuhusu kunyakuliwa kwa kanisa la Kristo. Mada hii inaanza kwa kuchambua maana ya misamiati wa kunyakuliwa, jinsi tukio litakavyokuwa, sababu za kunyakuliwa; na mchakato wa maandalizi ya unyakuo wenyewe. Karibuni. MAANA YA KUNYAKULIWA "Kunyakuliwa" ni tukio maalum la kinabii ambalo linatarajiwa kutokea wakati wowote kwa ajili ya kuhitimisha huduma za Kanisa la Kristo duniani. Tukio hili linawahusu makundi mawili ya walengwa. Kundi la kwanza ni “ kufufuliwa kwa wafu waliolala mauti katika Kristo ” ! Na kundi la pili ni “ wanafunzi halisi wa Yesu Kristo tutakaokutwa hai. Na hii ni kwa mujibu wa maandiko ya Paulo alipowaandikia ...
Read more