IFAHAMU NGUVU YA MSALABA


Yafuatayo ni baadhi tu ya Yale ambayo Msalaba wa Yesu umeyashughulikia;

1.UMEIVUNJA NGUVU YA DHAMBI ( 1Yohana 3:8)
Yesu alidhihirishwa ili aiharibu NGUVU YA DHAMBI…Alifanya hivyo kwa “KUZIBEBA DHAMBI ZETU MWILINI MWAKE JUU YA MTI[MSALABA], ILI TUKIWA WAFU KWA MAMBO YA DHAMBI TUWE HAI KWA MAMBO YA HAKI…” (1Petro 2:24)
2.ALILIPA GHARAMA YA DHAMBI KISHERIA (2Kor 5:21)
Yeye asiyeijua dhambi [Yesu] alifanyika dhambi ili sisi tupate kufanyika HAKI YA MUNGU…Badala ya sisi kulipia gharama ya dhambi, “MSHAHARA WA DHAMBI NI MAUTI…” Yeye Yesu kama Mwanakondoo wa Mungu(Yohana 1:28,35) alichinjwa na kulipia adhabu ya dhambi zetu…Ndio maana alipokuwa Kalvari, kwa kule KUBEBA DHAMBI ZETU MWILINI MWAKE (1Petro 2:24), Mungu alimgeuzia mgongo na kumwacha, akapaza sauti na kulia, “MUNGU WANGU, MUNGU WANGU, MBONA UMENIACHA?”

3.AMETUFANYA WENYE HAKI WA MUNGU (Rumi 8:34)
Ni nani atakayewahukumu Wateule wa Mungu [sisi tulio ndani ya Yesu]? Mungu mwenyewe ndiye mwenye kuwahesabia haki, Maana Kristo Yesu alikufa, naam amefufuka na ndiye anayetuombea.
Ndiyo maana tuna ujasiri wa kumsogelea Mungu kama BABA na si HAKIMU kwetu kwa sababu ya kazi njema msalabani aliyoifanya Yesu….”TANGU SASA HAPANA HUKUMU YA DHAMBI JUU YAO WALIO KATIKA KRISTO YESU” (Rumi 8:1)

4.ALIYAPONYA MAGONJWA YETU NA UDHAIFU WETU (1Petro 2:24)
Mwenyewe alizichukua dhambi zetu mwilini mwake, ili tukiwa wafu kwa mambo ya dhambi, tuwe hai kwa mambo ya haki, NA KWA KUPIGWA KWAKE MLIPONYWA!
Biblia haisemi mnaponywa, inasema “MLIPONYWA” Ilifanyika pale msalabani tayari, sio kitu tunachokitafuta sasa au kesho…Msalaba ulioshughulikia DHAMBI ni huo huo uliokomesha Magonjwa yote na madhaifu yetu…UKIWA MGONJWA UMETAKA MWENYEWE, na wala usimsumbue Mungu kwamba akuponye…ALIFANYA HILO MIAKA ZAIDI YA MIAKA 2000 ILIYOPITA, Ndani ya kitabu changu “SABABU SABA ZA KIBIBLIA KWANINI USIWE MGONJWA” Nimelizungumzia hili kwa upana zaidi, JIPATIE NAKALA YAKO!
5.ALISHUGHULIKIA AMANI YETU (Isaya 53:5)
…Na adhabu ya AMANI YETU ilikuwa juu yake!
Kabla ya Kwenda msalabani, Yesu alitoa ahadi ya kutupatia AMANI YAKE, na akasema atupavyo Yeye ni tofauti na ulimwengu utoavyo (Yohana 14:27) na huo ulikuwa ni mkataba usiopitishwa, ulikuwa MSWADA wa kile ambacho alitaka kutupatia…alipokwenda Msalabani, alikamilisha hilo, sawa na nabii Isaya alivyotabiri zaidi ya miaka 600 kabla ya kifo chake!

6.ALIKOMESHA HUZUNI NA MASIKITIKO KWA KILA ALIYE WA KWAKE (Isaya 53:4)
Hakika ameyachukua MASIKITIKO YETU, amejitwisha HUZUNI ZETU!
Ndio maana tangu Kristo akishinde kifo na mauti, mahali pote ROHO MTAKATIFU kupitia kinywa cha Mtume Paulo aliwaambia Wafilipi, “FURAHINI KATIKA BWANA, TENA NASEMA FURAHINI, UPOLE WENU NA UJULIKANE NA WATU WOTE, BWANA YU KARIBU” (Wafilipi 4:4)

 Hakuishia hapo, bali alizungumza tena na kanisa la Thesalonike akisema, “FURAHINI SIKU ZOTE. OMBENI BILA KUKOMA, SHUKURUNI KWA KILA JAMBO, MAANA HAYA NDIYO MAPENZI YA MUNGU KATIKA KRISTO YESU” (1Wathesalonike 5:16-18)
Ndio maana alipotupatia ROHO MTAKATIFU, kati ya MATUNDA anayoyatoa ni FURAHA (Wagalatia 5:22) kwa sababu alijua pasipo UWEZESHO NA NGUVU YA MUNGU MWENYEWE, tutapitia changamoto ambazo zitatuzuia kufurahi siku zote na nyakati zote, akamtoa MSAIDIZI-ROHO MTAKATIFU aje na package ya FURAHA pia kama kati ya MATUNDA YAKE!.

MUNGU WA MBINGUNI AKUBARIKI.

Comments

Post a Comment

Popular posts from this blog

UJUMBE WA KINABII KUHUSU KUNYAKULIWA KWA KANISA Kufuatia changamoto za kiimani ambazo jamii ya wanafunzi wa Yesu Kristo tunazipitia; na kutokana na matishio mbali mbali yanayotishia uhusiano wetu wa kiroho na Bwana Yesu; ni dhahiri kwamba umefika wakati wa kuzingatia vipaumbele vya imani ikiwa ni pamoja na kuzingatia ujumbe wa kinabii kuhusu kunyakuliwa kwa kanisa la Kristo. Mada hii inaanza kwa kuchambua maana ya misamiati wa kunyakuliwa, jinsi tukio litakavyokuwa, sababu za kunyakuliwa; na mchakato wa maandalizi ya unyakuo wenyewe. Karibuni. MAANA YA KUNYAKULIWA "Kunyakuliwa" ni tukio maalum la kinabii ambalo linatarajiwa kutokea wakati wowote kwa ajili ya kuhitimisha huduma za Kanisa la Kristo duniani. Tukio hili linawahusu makundi mawili ya walengwa. Kundi la kwanza ni “ kufufuliwa kwa wafu waliolala mauti katika Kristo ” ! Na kundi la pili ni “ wanafunzi halisi wa Yesu Kristo tutakaokutwa hai. Na hii ni kwa mujibu wa maandiko ya Paulo alipowaandikia ...
Read more
Image
NGUVU YA KWELI (NENO LA MUNGU) Kweli ni uhakikiso wa jambo Fulani. Lakini kibiblia kweli inajulikana kama “NENO LA MUNGU”. Maana biblia inasema kuwa “Uwatakase kwa ile kweli; neno lako ndiyo kweli.”(Yohana 17:17). Maisha ya wokovu kwa kila aliyemwamini KRISTO kuwa BWANA na Mwokozi wa maisha yake, hubadilika na kulingana na jinsi huyu mwamini anavyoishi kwa kuliaamini hili neno au anavyoishi kwa kuiamini hii kweli ya neno la MUNGU.  Hatuwezi kupata maendeleo kimwili na kiroho, kama hatutaifahamu kweli ambayo inatakiwa kutuongoza kama dira ya maisha maana Neno la Mungu ni taa ya miguu yetu na mwanga wa njia zetu. (ZABURI 119:105). Tukiifahamu kweli itatupelekea kuishi maisha ya ushindi (victorious life). ZIKO FAIDA ZA KUIFAHAMU KWELI 1)       Tunapoifahamu kweli inatuweka huru (Yohana8:32), inatuweka mbali na dhambi, mbali na utawala wa mwovu ibilisi maana hapo mwanzo kabla ya kumwamini KRISTO tulikuwa chini ya utawala wa Mungu wa Dunia hii yaani I...
Read more